Yeniliklər lenti


Özbəkistan prezidenti «Özbəkipəksənaət» assosiasiyasını gömrük rüsumlarından azad etdi

tarihinde Aydin Salis tarafından yayınlandı   [ güncellendi ]

2017-ci ildə Özbəkistanda Azərbaycandan 50 dəfə çox - 12 min 450 ton barama tədarük olunmuşdur. 

Bununla yanaşı Özbəkistan prezidenti 2018–2021-ci illərdə barama, ipək və ipək parça istehsalını dəfələrlə artırılması üçün 12.01.2018-ci il tarixdə «Respublikada ipəkçiliyin gələcək inkişaf tədbirləri haqqında» fərman imzalamışdır. Fərmanda «Özbəkipəksənaət» assosiasiyası ipək istehsalında istifadə edilən, amma Özbəkistanda istehsalı olmayan texnika və avadanlıqların, xam və hazır malları ölkəyə gətirilməsi üçün 2023-cü ilə qədər gömrük rüsumundan (gömrük rəsmiləşdirilməsi haqları istisna olmaqla) azad edilmişdir.

“Şəki-İpək” ASC yeni inkişaf mərhələsində: nəticələr ürəkaçandır

11 Oca 2018 18:34 tarihinde Aydin Salis tarafından yayınlandı   [ 11 Oca 2018 18:35 güncellendi ]

Nizami Qəribov: Barama istehsalı 600-700 tona çatdıqda müəssisədə ikinövbəli iş rejiminə keçmək lazım gələcək

Şəki, 25 dekabr, Mustafa Dadaşov, AZƏRTAC

Prezident İlham Əliyevin birbaşa diqqət və qayğısı sayəsində son illər ölkəmizdə kənd təsərrüfatının ənənəvi sahələrindən olan baramaçılığın inkişaf etdirilməsi və ipəkçiliyin müasir infrastrukturunun yaradılması istiqamətində həyata keçirilən məqsədyönlü tədbirlər şimal-qərb bölgəsinin ən iri sənaye müəssisələrindən olan “Şəki-İpək” ASC-nin fəaliyyətini xeyli dərəcədə canlandırıb. Uzun illər fasilədən sonra 2016-cı ildə respublikamızda 71 ton yaş baramanın istehsal edilməsi nəticəsində müəssisənin xammala olan tələbatı qismən də olsa ödənilmiş, əsas istehsal sahələrinin fəaliyyəti bir neçə aylıq bərpa olunmuşdu. 2017-ci ildə isə yaş barama istehsalının əvvəlki illə müqayisədə bir neçə dəfə artaraq 244 tona çatması müəssisənin fəaliyyətinin əsaslı şəkildə yaxşılaşması ilə nəticələnib.

“Şəki-İpək” ASC-nin İdarə Heyətinin sədri Nizami Qəribov AZƏRTAC-ın bölgə müxbirinə müsahibəsində müəssisənin fəaliyyəti və gələcək planlar barədə danışıb.

- Nizami müəllim, vaxtilə 7 minə yaxın işçinin çalışdığı “Şəki-İpək” ASC-nin fəaliyyətində ötən əsrin 90-cı illərinin əvvəlində ciddi tənəzzül başladı. Bunun əsas səbəbi nə idi?

- İpəkçilik Azərbaycanda çox qədim tarixə malik sahədir. Orta əsrlərdə Azərbaycan Yaxın və Orta Şərqin ən böyük ipək istehsalçısı və toxuculuq mərkəzlərindən biri hesab olunurdu. Ötən əsrin 70-80-ci illərində Azərbaycanda, o cümlədən Şəkidə ipəkçiliyin inkişafı xüsusilə geniş vüsət almışdı. Şəki öz ipəyi ilə bütün dünyada məşhurlaşmışdı. Həmin illərdə respublikamızda ildə 5-6 min ton yaş barama və 350-400 ton xam ipək istehsal olunur, 10 milyonlarla kvadratmetr müxtəlif çeşidli ipək parça toxunurdu. İpəkqurdunun bəslənməsi və barama istehsalı ilə 150 mindən çox kəndli ailəsi məşğul olurdu. Azərbaycan barama istehsalına görə keçmiş sovetlər birliyində Özbəkistandan sonra ikinci, istehsal olunan ipəyin keyfiyyətinə görə isə birinci yeri tuturdu. Həmin dövrlər “Şəki-İpək” Kombinatı SSRİ-nin 75 müəssisəsinə ipək parça, 84 müəssisəsinə isə ipək sap göndərirdi. Şəki ipəyindən hazırlanan parçalar Yaponiya, İsveçrə, İtaliya və digər xarici ölkələrə ixrac olunurdu.

Sovetlər birliyinin dağılması, iqtisadi əlaqələrin qırılması nəticəsində bir çox sahələr kimi, ipəkçilik sahəsində də tənəzzül baş verdi. 1500 illik tarixi olan Azərbaycan ipəkçiliyi məhv olmaq təhlükəsi ilə qarşılaşdı. Ümummilli liderimiz Heydər Əliyevin ikinci dəfə hakimiyyətə qayıdışından sonra isə Azərbaycanda digər sahələr kimi, ipəkçiliyə olan münasibət də kökündən dəyişdi, ipək sənayesinin bərpası istiqamətində zəruri işlər görüldü. Ulu Öndərin 2002-ci ildə Şəkidə olarkən İpək Kombinatının fəaliyyəti ilə maraqlanması və onun bilavasitə tapşırığı, imzaladığı sərəncamla həmin il kombinatın fəaliyyətinin bərpasına kömək məqsədilə dövlət büdcəsindən vəsaitin ayrılması nəticəsində müəssisə yenidən işə salındı.

- Hazırda Azərbaycanda qeyri-neft sektorunun inkişaf etdirilməsi ilə bağlı həyata keçirilən tədbirlər çərçivəsində digər sahələrlə yanaşı, qədim ənənələrə malik ipəkçiliyin dirçəldilməsi də Prezident İlham Əliyev tərəfindən prioritet vəzifələrdən biri kimi müəyyən edilib. Baramaçılığın, ipəkçiliyin inkişafına dövlət tərəfindən yüksək diqqət və qayğı göstərilir. Həyata keçirilən tədbirlər müəssisənin fəaliyyətinə necə təsir göstərib?

- İpəkçiliyin inkişafı təbii ki, ilk növbədə, zəruri xammal bazasından asılıdır. Əvvəlki illərdə respublikamızda barama istehsalının kəskin şəkildə azalması səhmdar cəmiyyətin normal fəaliyyətinə də ciddi təsir göstərib. Müəssisənin xammala olan tələbatını ödəmək üçün əvvəllər Özbəkistan və İrandan quru barama satın alınaraq ölkəmizə gətirilirdi. Sonralar xaricdən xammal gətirmək ümumiyyətlə, mümkün olmadı.

Məhz Prezident İlham Əliyevin birbaşa diqqət və qayğısı sayəsində bu problem artıq öz həllini tapıb. Dövlətimizin başçısının regionların mövcud iqtisadi potensialından daha səmərəli istifadə olunması, kənd təsərrüfatının ənənəvi sahələrinin, o cümlədən baramaçılığın inkişaf etdirilməsi ilə bağlı verdiyi tapşırıqlardan sonra son iki-üç ildə respublikamızda ipəkçiliyin müasir infrastrukturunun yaradılması istiqamətində zəruri tədbirlərin həyata keçirilməsinə başlanılıb. Nəticə göz qabağındadır. Ötən il Azərbaycanda 2007-ci ildən bəri ilk dəfə olaraq 71 ton yaş barama istehsal olunub. 2017-ci ildə isə respublikanın 30 rayonu üzrə 244,8 ton yaş barama istehsal olunaraq “Şəki-İpək” ASC-yə təhvil verilib.

- Yaş barama istehsalının artması, yəqin ki, müəssisənin ayrı-ayrı istehsalat sahələrinin fəaliyyətini də yenidən canlandırıb...

- Tamamilə doğrudur. Ötən il olduğu kimi, bu il də iyulun əvvəlindən baramaaçan istehsalatı işə salınıb və burada yenidən xam ipək istehsalına başlanılıb. Avqustun əvvəlindən isə müəssisənin burucu və toxucu istehsalatlarının fəaliyyətləri bərpa edilib. Builki mövsümdə müəssisəmizdə indiyədək 23 tondan çox xam ipək istehsal olunub. Ötən il isə ipək istehsalı 9 ton idi. Qalan xammalla daha 2 ton xam ipək istehsal etmək mümkün olacaq. Gələn il yanvarın 15-dən sonra baramaaçan istehsalatının fəaliyyəti növbəti barama mövsümünədək müvəqqəti dayandırılacaq. Digər istehsalatlar isə fəaliyyətini davam etdirəcək.

- Prezident İlham Əliyevin sədrliyi ilə avqustun 4-də Qaxda keçirilən barama, tütün və fındıq istehsalının inkişafı məsələlərinə dair respublika müşavirəsində 2018-ci ildə respublikada yaş barama istehsalının 500 tona çatdırılması hədəf olaraq qarşıya qoyulub. İstehsalın artması müəssisənin gələcək fəaliyyətinə, əhalinin məşğulluğunun təmin edilməsinə nə dərəcədə təsir göstərəcək?

- Hazırda müəssisəmizdə 575 işçi çalışır. Yaş barama istehsalının 500 tona çatması imkan verəcək ki, səhmdar cəmiyyət növbəti ildə hazırkı işçi qüvvəsi ilə birnövbəli iş rejimində ilboyu fasiləsiz fəaliyyət göstərsin. Sonrakı illərdə barama istehsalı artaraq 600-700 tona çatdıqda artıq müəssisədə ikinövbəli iş rejiminə keçmək lazım gələcək. Təbii ki, buna uyğun olaraq işçilərin sayı da 150-200 nəfərədək artacaq.

Hazırda “Şəki-İpək” ASC-nin istehsal gücü ildə 135 ton xam ipəkdir. Yəni, müəssisədə üçnövbəli iş rejimində 1350 ton yaş barama emal oluna bilər. Dövlətimizin başçısı 2025-ci ildə Azərbaycanda yaş barama istehsalının 6 min tona çatdırılmasını hədəf olaraq qarşıya qoyub. Bizim proqnozlarımıza görə, 2021-2022-ci illərdə ölkədə yaş barama istehsalı 2 min tona çatacaq. Ona görə də indidən buna hazırlaşmalıyıq. Gələcəkdə müəssisənin istehsal gücünü artırmaq üçün mövcud avadanlıq tədricən yenilənməli, istehsalata yeni texnologiyalar gətirilməli, xaricdən yeni baramaaçan dəzgahlar alınmalıdır. İxrac imkanlarımızı genişləndirmək üçün yeni bazarlar tapmalıyıq. Şübhəsiz ki, yaş barama istehsalının artması əhalinin məşğulluğunun təmin edilməsinə də öz müsbət təsirini göstərəcək, işçilərin sayı artırılaraq 1500 nəfərə çatdırılacaq.

- Müəssisədə istehsal olunan məhsullar hansı ölkələrə ixrac olunur?

- Hazırda İran və Türkmənistanla iqtisadi əlaqələrimiz var. Bu ölkələrə ipəkdən toxunmuş ağardılan, yuyulan və emala hazır olan ipək parça ixrac edirik. Artıq Türkiyə şirkətləri də məhsullarımızla maraqlanır. Bundan əlavə, il ərzində müəssisədə 10 minə yaxın ipək kəlağayı da istehsal olunur. Bu məhsul əsasən ölkə daxilində satılır.

- Prezident İlham Əliyevin 2017-ci il 27 noyabr tarixli Sərəncamı ilə təsdiq edilmiş “Azərbaycan Respublikasında baramaçılığın və ipəkçiliyin inkişafına dair 2018-2025-ci illər üçün Dövlət Proqramı”nın həyata keçirilməsi üzrə tədbirlər planında tədarük olunmuş baramanın ilkin emalı üçün barama qurutma məntəqələrinin, o cümlədən bəzi rayonlarda barama qəbulu və emalı məntəqələrinin yaradılması ilə bağlı məsələlər də öz əksini tapıb. Yaxın illərdə bu istiqamətdə hansı tədbirlərin həyata keçirilməsi planlaşdırılır?

- Yaş barama istehsalı 3 min tona çatanda ən azı 8 rayonda illik istehsal gücü 300 ton olan barama qəbulu və emalı məntəqələrinin açılması planlaşdırılır. Bu məntəqələrin hər birində gün ərzində 20 tonadək yaş baramanın boğulması prosesi həyata keçiriləcək. 2018-ci ildə bir məntəqənin yaradılması nəzərdə tutulur. Növbəti illərdə isə hər mövsümdə bir-iki məntəqənin açılması planlaşdırılır.

Ümumiyyətlə, baramaçılığın inkişaf etdirilməsi və ipəkçiliyin müasir infrastrukturunun yaradılması istiqamətində həyata keçirilən bütün bu tədbirlər son nəticədə ölkənin ümumi iqtisadi potensialının güclənməsinə mühüm töhfə verəcək.


Mənbə: Azertag.az >>

25.12.2017 

Şəkidə meşə yanğınları başlayıb

29 Ara 2017 03:51 tarihinde Aydin Salis tarafından yayınlandı   [ 29 Ara 2017 06:13 güncellendi ]

Şəki şəhərini şimaldan əhatə edən dağda meşə yanğınları başlayıb. Bu barədə FHN-nin Şəki təmsilçiləri bildirdilər ki yanğın bu gün - 29 dekabr 2017-ci il tarixdə saat 13.30 radələrində başlayıb və hal-hazırda yanğının söndürülməsi istiqamətində iş gedir. Lakin axşam saatlarında yanğının daha da güclənməsi müşahidə edilir.

Шелковый Азербайджан

13 Ara 2017 03:01 tarihinde Admin Sheki.city tarafından yayınlandı   [ 7 Oca 2018 10:53 tarihinde Aydin Salis tarafından güncellendi ]


С января будущего года повышаются таможенные пошлины на импортируемые в Азербайджан шелк-сырец, коконы шелкопряда и шелковые нити, что предусмотрено утвержденной Кабмином «Номенклатурой товаров внешнеэкономической деятельности, таможенными ставками на импорт и экспорт».

До последнего времени пошлина на импортируемые коконы шелкопряда не взималась, однако, согласно решению правительства, с будущего года она составит 5%. Пошлина на импортируемый шелк-сырец равнялась 0,5%, теперь же и она составит 5%. Повысилась и таможенная ставка на ввозимые шелковые нити - с 5% до 15%.

Единственным производителем шелка в Азербайджане является ОАО «Шеки-Ипек», где работают почти 1200 человек. В ноябре 2016-го ОАО вынуждено было временно приостановить свою деятельность из-за отсутствия шелка- сырца, но сейчас производство вновь запущено.

Не приведет ли теперешнее повышение таможенных пошлин на импорт, связанный с шелком, к полному прекращению работы «Шеки-Ипек», что фактически поставит крест на некогда значительном производстве шелка в нашей республике?

Как считает главный редактор издаваемой в Шеки газеты «Ипекчи» (Шелковод) Айдын Мамедов, повышение таможенных пошлин на импорт шелка-сырца никак не скажется на деятельности ОАО.

«Сейчас необходимое для изготовления шелка сырье производится в самом Азербайджане. Этому во многом помогла политика правительства по поддержке шелководов. Фермеры, которые занимаются разведением шелкопряда, получают сегодня от государства дотации, бесплатно обеспечиваются тутовыми саженцами», - заявил Айдын Мамедов haqqin.az.

Источник:  Haqqin.az >> 
Автор: Махмуд Суанлы, отдел социума.

Şəki şəhərinin Şəki-Kiş avtomobil yolunun tikintisi ilə bağlı tədbirlər haqqında Azərbaycan Respublikası Prezidentinin Sərəncamı

24 Eki 2017 12:30 tarihinde Aydin Salis tarafından yayınlandı   [ 26 Ara 2017 11:27 güncellendi ]

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. On yeddi min nəfər əhalinin yaşadığı 2 yaşayış məntəqəsini birləşdirən Şəki-Kiş avtomobil yolunun tikintisi məqsədi ilə Azərbaycan Respublikasının 2017-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin 4,8 milyon (dörd milyon səkkiz yüz min) manatı “Azəravtoyol” Açıq Səhmdar Cəmiyyətinə ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

 

İlham Əliyev

Azərbaycan Respublikasının Prezidenti

Bakı şəhəri, 23 oktyabr 2017-ci il.

Mənbə:>>

Sosial şəbəkələrdə arvad adı ilə fəaliyyət göstərən Allahverdiyev Bilman və zatıqırıqların gündən-günə güclənən mənfur anti-azərbaycan təbliğatı

23 Eki 2017 04:21 tarihinde Admin Sheki.city tarafından yayınlandı   [ 29 Ara 2017 20:37 tarihinde Aydin Salis tarafından güncellendi ]

Bildiyiniz kimi azərbaycanlılar ayrıca bir millətdir, dilimizin adı azərbaycan dilidir. Konstitusiyamızda bu təsdiq olunur. Dünya bizi bu adla tanıyır. Yalnız ermənilər azərbaycanlıları bir millət olaraq tanımaq istəmirlər, deyirlər siz Zərəfşan dərəsindən gələn türklərsiniz, bizim torpaqlara yiyələnmisiniz, bu torpaqlar bizimdir. Halbuki, elmi cəhətdən çoxdan sübut edilib ki, azərbaycanlılar regionun köklü  sakinləridirlər. 

Lakin sosial şəbəkələrdə hakimiyyətə yaxın olduğunu idiia edən qruplaşma var, ağzını açıb bunu deyən kimi üstünə 10-15 nəfər tökülür, başlayırlar təhqirə, təhdidə, sən türkçülüyün düşmənisən, sən azsaylı xalqların nümayəndisən, ona görə belə deyirsən və s. Səni şantaj edəcəyik, prokurora deyəcəyik səni salacaq içəri 20 min verib zorla çıxa bilərsən bayıra. Belə görüntü yaranır ki, dövlət dəstəyi ilə rəsmi azərbaycançılıq ideologiyasına qarşı 100 il əvvəl süquta uğramış faşist təmayüllü turançılıq ideologiyası gündəmə gətirilib, buna qarşı çıxanlar təhdid edilir. Nə məsələdir? Dövlətimiz rəsmi azərbaycançılıq ideolugiyasından imtina edir? Ya bunlar xarici kəşfiyyata qulluq edirlər?

Müzakirələrdən biri burada baş verirdi. Saxta hesablarla, kişlər, arvad adı ilə, arvadlar kişi adı ilə. Lakin hər şeydən əvvəl, gəlin Balqabaq.az saytında dərc olunmuş bir məqaləyə diqqət yetirək:

Ədalət yaxşılıqdan üstündür

İslam aləminin üçüncü xəlifəsi Həzrəti Osman Məhəmməd peyğəmbərin(s.a.s) iki qzı ilə ailə qurub, (biri rəhmətə gedəndən sonra ikinci qızı ilə evlənir) o səxavəti , həyası ilə məşhur olmuşdur.

 Məkkədə ərzaq qıtlığı zamanı Həzrəti Osman Məkkəyə 700 dəvə yükü ərzaq gətirmişdir, məkkəli tacirlər mənfəət qazanmaq üçün bu ərzaqların onlara iki qat qiymətə satmağını təklif etmişlər, lakin Həzrəti Osman: "mən bu malları 1-ə 10 qat verənə verəcəyəm" deyib bütün ərzaqları dəvə qarışıq kasıblara paylamışdır. (El arasında da deyilir ki, Allah sənın verdiyinin 10 qat əvəzinı versin) Xəlifəliyi dövründə uzun illər hakimiyyətdə olan Həzrəti Osman abır-həyasını qoruyaraq xilafətdə qohum əqrabalarının sözünü yerə salmayaraq onları vəzifələrdə yerləşdirmişdir, onların ədalətsizliyi, acgözlüyü ucbatından üsyançılar Həzrəti Osmanı quran oxuduğu yerdə qətlə yetirir və nəşini də zibilliyə atırlar ki, onun nəşi üç gün qalır zibillikdə.

Allah ədaləti, yaxşılığı , qohumlarla, insanlarla yaxşı rəftar etməyi əmr etmış, həyasızlığı , pisliyi, çırkin işləri isə qadağan etmişdir.

Ulu öndər isə, ədalətsizliyi də ədalətlə həll edin demişdir.

Bilman



Diqqət yetirsək nə görəcəyik? Qısa bir məqalədir. Müəllifin adı, yaxud təxəllüsü Bilmandır, o, sünni təriqətindədir, şiələrin qəbul etmədiyi xəlifələrdən birini təbliğ edir. Sonra Heydər Əliyev tərəfdarı olduğunu vurğulamağı da unutmur. Məqaləyə əlavə etdiyi şəkil isə təbii ki, onun öz şəklidir və bu şəkildən də görünür ki o 50-60 yaşında kişidir. Amma...

Amması budur ki yuxarıda linkini verdiyimiz müzakirədə, bu xiyar Leyla Heyderova  istifadəçi adı ilə söhbətə müdaxilə etmiş və bizi şantaj edəcəyini bildirmişdir:

Daha sonra isə həmin  saytda şantaj xarakterli yazısını böhtanla bəzəyərək  dərc edir.  60 yaşlı kişini sosial şəbəkədə qız adı ilə fəaliyyət göstərməyə nə vadar edir ya rəb? İndiyə qədər yazdığı cəmi 10 məqalədən necə oldu ki,  birini "İpəkçi"yə həsr edəsi oldu? 10 məqaləsi var yalnız, birində Heydər Əliyevlə xəlifə Osmanı müqaisə edir, necə olur ki peşəkar jurnalistikadan dəm vurur? Peşəkar jurnalistə ağıl öyrədir? Saytın bu səhifəsində  göstərilir ki, jurnalistikanın nə olduğunu blməyən bu Bilmanın familiyası  Allahverdiyev, atasının adı isə İsadır və o, bu saytın həm baş redaktoru, həm də sahibi imiş. Bundan başqa öz FB səhifəsində yazdığına görə, o, həm də AzTV-nin  "news presenter"i imiş.

"Ağsaqqal"ın arvad kimi sosial şəbəkələrdə başqalarının yazışmalarını izləməsi, sonra "kişi" kimi şantajla məşğul olması bununla bitmir. Bir neçə gün əvvəl də belər bir şey edib. Şantajını saytında anonim dərc etsə də, sosial şəbəkədə şəxsən özü paylaşıb. Oturub fikirləşirsən ki, İraq kürdlərinin müstəqillik referendumunu kim dəstəkləyir, kim dəstəkləmir, bunun "ağsaqqal"a nə dəxli ola bilər axı?! Fikirləşirsən, fikirləşirsən, ağlına yalnız bir şey gəlir: özü etnik kürddür, görüntü yaratmaq istəyir ki kürd deyil, yaxud guya Azərbaycana sadiq kürddür. 

Ümumiyyətlə, azərbaycan xalqının, azərbaycan dilinin mövcudluğunu inkar edənlərin, xalqımızın və dilimizin adını   təhrif edənlərin, "mən azərbaycanlıyam" deyəndə bədənini qaşınma tutanların hamısı belələridir. Onlar dediklərini isbat etmək üçün ortaya bir arqument də qoya bilmirlər. Əvəzində əvvəlcə təhqirdən, sonra isə təhdid və şantajdan istifadə edirlər. Heç şübhə yoxdur ki, bunlar xaricdən maliyələşirlər. Biz azərbaycanlıyıq, dilimiz azərbaycan dilidir, dövlətimiz Azərbaycandır. Biz bundan qürur duyuruq və qürur duyacağıq. Onlar nə millətindədir, özləri bilərlər, görünən budur ki, azərbaycanlı deyillər, dövlətçiliyimizə, dövlətimizin rəsmi azərbaycançılıq ideologiyasına qarşı çıxırlar, qara piarla məşğuldurlar. 
Aydın Məmmədov

Şəki Rayon Prokurorluğundan bildirilib ki, N.Mirzəxanlının döyülmə faktı ilə əlaqədar araşdırma aparılır

16 Eki 2017 04:47 tarihinde Admin Sheki.city tarafından yayınlandı   [ 7 Oca 2018 16:29 tarihinde Aydin Salis tarafından güncellendi ]

«Biri dedi, ««ho» elə görüm içkilisən, ya yox». Mən də aparat tələb etdim. Dedi, «aparatımız yoxdur, sən eləcə «ho» elə, biz özümüz biləcəyik, içmisən, yoxsa içməmisən». Nə isə, mən bunların istədikləri qədər «ho» elədim, arxayın oldular ki, içkili deyiləm. Sənədlər də qaydasında... Dedilər, «düş maşından»».
Şəki sakini, «Region mediası» qəzetinin təsisçisi Nicat Mirzəxanlı AzadlıqRadiosuna danışır ki, oktyabrın 13-dən 14-nə keçən gecə saat 1-in yarısında Şəkinin mərkəzi 20 Yanvar küçəsində idarə etdiyi maşını yol polisləri saxlayıb.

«POLİSLƏ POLİSLİK EDƏCƏKSƏN?»

Əvvəlcə sürücünün sənədləri və içkili olub-olmadığı yoxlanılıb. Sonra maşından düşməsi tələb olunub. Sürücü səbəbini soruşduqda, özü demişkən, ara qarışıb:


«Dörd nəfər Yol polisi əməkdaşı idi. Dirəşmişdilər ki, «düşməlisən, vəssalam». Mən də dedim, «səbəbini deməsəniz, düşməyəcəm, sənədlərim qaydasında, özüm içkili deyiləm, qaydanı da pozmamışam, daha nə istəyirsiniz?». Dedilər, «kefimiz belə istəyir, sən polislə polislik edəcəksən?». Məni sürüyüb aşağı saldılar, döyə-döyə aparıb öz xidməti maşınlarına mindirdilər, Şəki polis şöbəsinə gətirdilər».

Şikayətçinin sözlərinə görə, polislər onu burada da döyməkdə davam ediblər:

«Elə müşahidə kamerasının qarşısındaca məni təpiklə, yumruqla, şilləylə döyməkdə davam etdilər. Sonra içəri apardılar, bir küncə sıxışdırıb, huşumu itirənədək döydülər. Huşumu itirəndən sonra heç nədən xəbərim olmayıb. Gecənin bir vaxtı məni ayıltdılar. Gedib araşdırıb bilmişdilər ki, qəzetdə çalışıram, qorxuya düşmüşdülər. Məni şöbədən buraxdılar, dedilər, «burda nə olubsa, yaddan çıxart, səhv etmişik». 30 manatlıq protokol yazdılar, dedilər, «narahat olma, özümüz ödəyəcəyik»».


«İŞVERƏNLİK EDİRSƏN»

N.Mirzəxanlı həmin gecə evə gedib, ancaq başgicəllənmə, qusma onu narahat etdiyindən gecəylə rayon mərkəzi xəstəxanasına götürülüb. Ona qapalı kəllə-beyin travması və ayaqların əzilməsi diaqnozu qoyulub, tibbi yardım göstərilib:

«Bir az özümə gəldim, sonra Daxili İşlər Nazirliyinin «102» xidmətinə zəng vurub başıma gələnləri danışdım. Səhərə yaxın saat 6-nın yarısında Şəki polisindən Cəfər adlı polis leytenantı xəstəxanaya məndən izahat almağa gəlmişdi. O da çox kobud davrandı, dedi, «gecə vaxtı nə xəbərdir, 102-ni yığmısan, camaatı da narahat eləmisən. İşverənlik edirsən, Allah bizi sənin kimi kişilərdən qorusun», filan...».

Şikayətçinin sözlərinə görə, dörd polis işçisindən biri Ramil Adamov, biri Azər Quliyev, birinin adı Tərlandır, dördüncünün adını xatırlamır.

Şəki Rayon Polis Şöbəsindən AzadlıqRadiosuna bildirilib ki, Daxili İşlər Nazirliyinin icazəsi olmadan məlumat verə bilməzlər. Daxili İşlər Nazirliyindənsə hələlik məsələyə münasibət öyrənmək mümkün olmayıb.

Şəki Rayon Prokurorluğundan bildirilib ki, N.Mirzəxanlının döyülmə faktı ilə əlaqədar araşdırma aparılır. N.Mirzəxanlı izahatı alınması üçün prokurorluğa dəvət olunub. 

Mənbə: >>

Şəkidəki İdman Sağlamlıq Mərkəzinin satılması üçün 12.09.2017-ci il tarixdə keçirilməsi nəzərdə tutulan hərrac doğrudanmı keçiriləcək?

8 Eyl 2017 07:53 tarihinde Aydin Salis tarafından yayınlandı   [ 26 Ara 2017 11:29 güncellendi ]

Əvvəlki yazıda göstərilmişdir ki, Şəki Gənclər İdman İdarəsinin İdman Sağlamlıq Mərkəzi hərraca çıxarılsa da burada işləyənlərin bundan xəbərləri yoxdur. İndi isə məlumat əldə etdik ki, nəzərdə tutulan hərraca 06.09.2017-ci il tarixdə sifariş qəbulu artıq başa çatmış, lakin hərracda iştirak etmək istəyən bəzi vətəndaşların hərracda iştirak etməsinə süni maneələrlə imkan verilməmişdir. Hətta bunlardan elələri də var ki, hərracda iştirak etməkdən imtina etsin deyə özünün və qohumlarının təhdidə məruz qaldığını iddia edir. 

Obyektin Murtuzov familiyalı bir şəxs tərəfindən alınacağı ehtimal edilir. O, isə həmin obyekti guya yüksək vəzifəli bir şəxsin adından almaq istədiyini bildirib. Əldə olunan məlumata görə Murtuzovdan başqa Hüseynbəyov familiyalı bir şəxs də hərracda iştirak etmək hüququ qazanıb. O, hərracda iştirak etmək üçün tələb olunan behi 05.09.2017 tarixdə Bakıdan elektron qaydada ödəyə bilmişdir. Şəkidən beh ödəmək istəyənlər isə onlara buna imkan verilmədiyini iddia edirlər.

Murtuzovdan başqa hərracda ikinci real alıcının peyda olması nəticəsində nəzərdə tutulan 12.09.2017-ci il tarixdə hərracın keçiriləcəyi şübhə altına düşmüşdür.

P.S. Hərrac doğrudan da keçirilmədi, hərracın keçirlilməsində iştirakı tələb olunan 2 vəzifəli şəxs "xəstələnib" və hərracda iştirak edə bilmir deyə.  Qaydalara görə hərrac 1 ay ərzində yenidən təşkil edilməlidir. Gözlənilir ki bu dəfə tam xəlvəti ediləcək, yaxud heç oilmayacaq, lakin müvafiq sənədlərdə göstərəcəklər ki guya nə vaxtsa olub.

Dünyamin Xəlilovun yeni Apelyasiya şikayətləri

29 Ağu 2017 10:58 tarihinde Aydin Salis tarafından yayınlandı   [ 8 Eyl 2017 08:29 güncellendi ]

Fəaliyyəti dayanmış “Mədəni İrsin Qorunmasına Dəstək” İB-nin sədri Dünyamin Xəlilova qarşı iki tikinti şirkəti ayrıca məhkəmə iddiaları qaldıraraq ondan pul istəyir. Bunlardan birincisi 
"Akkord"dur - Şəkidə inşası başa çatmamış Heydər Əliyev Mərkəzinin və Bayraq meydanının tikintisi üçün bir milyon manat ödəməsini istəyir. İkincisi isə Şəki Tikinti Kombinatıdır - Mərkəzi xəstəxananın və Dram Teatrın fasadının təmirinə görə milyon yarım tələb edir. Birinci instansiya məhkəməsi iddiaçıların xeyirinə qərar versələr də, Dünyamin Xəlilov qərarlarla razılaşmır, onların gördükləri işdən 8-9 dəfə artıq məbləğ tələb etdiklərini bildirir və birinci instansiya məhkəmələrinin qərarlarından apelyasiya şikayəti vermişdir. Maraqlı məqamlardan biri də budur ki Şəki Mərkəzi Xəstəxanasının fasadının tezalışan üzlüklərlə işlənməsi vurğulayır, hansı ki, Prezidentin göstərişi ilə Respublikanın hər yeridə bu üzlüklər dəyişdirilmişdir.
Həmin apelyasiya şikayətlərinin tam mətni faylda bu səhifəyə əlavə edilmişdir.
Bununla yanaşı fəaliyyəti dayanmış “Mədəni İrsin Qorunmasına Dəstək” İB-nin həmtəsisçilərindən biri olan Məmməd Hüseynov da Dünyamin Xəlilovun nümayəndəsi qismində birinci instansiya məhkəmələrinin qərarlarından Prezidentə şikayət etmişdir. Məktubun tam mətnini aşağıda dərc edirik:

Cənab Prezident!

Siz 2012-ci ilin sentyabrın 9-da Şəkiyə növbəti rəsmi səfəriniz zamanı Heydər Əliyev Mərkəzinin təməlqoyma mərasimində iştirak etmişsiniz.
Əvvəlcə rayondan seçilmiş millət vəkillərinin, Şəki rayon İcra Hakimiyyətinin başçısı cənab Elxan Usubovun və “Mədəni İrsin Qorunmasına Dəstək” İB-nin İdarə Heyətinin sədri cənab D.Xəlilovun (sifarişçi təşkilatı təmsil edən) iştirakıilə birlikdə Mərkəzin layihəsini əks etdirən stendlərə baxış keçirmişsiniz.

Sonra inşa ediləcək Heydər Əliyev Mərkəzi, Bayraq Meydanı və Şəki Şəhər İcra Hakimiyyəti üçün yeni binanın maketi ilə tanış olduqdan sonra Heydər Əliyev Mərkəzinin təməlini qoymuşdunuz. Sifarişçi təşkilatın rəhbəri kimi cənab D.Xəlilov məlumat vermişdir ki, mərkəzin tikintisi ulu öndərin xatirəsinin əbədiləşdirilməsi məqsədini daşıyır. Burada dahi rəhbərin irsinin öyrənilməsinə və təbliğinə geniş yer ayrılacaqdır. Mərkəzin ümumi sahəsi 5 min 629 kvadratmetr olacaqdır.

Üç mərtəbədən ibarət olacaq Heydər Əliyev Mərkəzində ulu öndərin həyat və fəaliyyətindən bəhs edən muzeyin, 230 nəfərlik akt zalının, kitabxananın, sərgi zalının, toplantı və tədris otaqlarının, linqafon kabinetinin, həmçinin digər təyinatlı bölmələrin yaradılması nəzərdə tutulur.

Orijinal memarlıq üslubunda inşa olunacaq Heydər Əliyev Mərkəzi 1969-cu ildən başlayaraq Heydər Əliyevin hakimiyyətdə olduğu dövrlərdə Azərbaycanın keçdiyi inkişaf yolunu tam mənası ilə sərgiləyəcəkdir. Bu mərkəz Heydər Əliyev irsinin təbliğində mühüm rol oynamaqla yanaşı, gənc nəslin dünyagörüşünün, bilik və bacarığının artırılmasına hərtərəfli imkan yaradacaqdır.

Sonda cənab Prezident Siz tikinti işlərinin yüksək səviyyədə görülməsi ilə bağlı müvafiq tapşırıqlar vermişdiniz. Lakin çox təəssüflər olsun ki, belə bir dövlət əhəmiyyətli obyektlərin inşaası 2015-ci ildən bugünədək obyektiv və subyektiv səbəblər üzündən dayanmışdır.

Xatırlatmaq yerinə düşərdi ki, müasir tipli H.Əliyev Mərkəzinin, Bayraq meydanının,parkın tikintisi işlərinin “sifarişçi”si “Mədəni İrsin Qorunmasına Dəstək” İctimai Birliyinə həvalə edilmişdir. İB öz növbəsində müxtəlif ianələrin, qrantların hesabına regionda (Şəki şəhərində) dövlət əhəmiyyətli obyektlərin tikilib istifadəyə verilməsi istiqamətində layihələr həyata keçirmişdir. Bu layihələrdən biri də hazırkı iş üzrə iddiaçı tərəf olan “Akkord Sənaye Tikinti İnvestisiya Korporasiyası” ASC-tilə bağlanmış 01.03.2013-cü il tarixli, 03/03-13 nömrəli podrat müqaviləsidir ki, bu müqaviləyə əsasən iddiaçı Şəki rayonun Qoxmuq kəndi ərazisində Heydər Əiyev Mərkəzinin, parkının və Bayraq meydanının tikinti işlərini yerinə yetirməyi, başa çatdırmağı və “İctimai Birliyə” tam hazır vəziyyətdə təhvil verməyi, “İctimai Birlik” isə görülən işin müqabilində ödəniş etməyi öhdəsinə götürmüşdür.

2015-ci ildən “Mədəni İrsin Qorunmasına Dəstək” İB-nin fəaliyyəti dayandırılmış və İdarə Heyətin sədri D.Z.Xəlilov istintaqa cəlb edilmişdir. Bu arada “podratçı” təşkilat qismində iştirak edən “Akkord Sənaye Tikinti İnvestisiya Korporasiyası” ASC-ti layihə üzrə nəzərdə tutulmuş işləri 2013 və 2014-cü illərdə qismən icra etməklə nəzərdə tutulan 4.629.533 manat pulu sifarişçidən tələb etmişdir. Və sifarişçi tərəfindən 3.240.496 manat qismən ödəniş edilsə də “icraçı” təşkilat qalıq pulun hesablarına köçürülməsi üçün 03.12.2017-ci il tarixli pretenziya məktubu təqdim etmiş və dərhal “Pul tələbi”ilə 1 saylı Bakı İnzibati-İqtisadi Məhkəməsinə müraciət etmişdir. Sədrlik edək hakim Vüsalə Baxışova ilə iddiaçı tərəfin gizli sövdələşməsi nəticəsində qısa müddət ərzində faktlar yerində araşdırılmadan və cavabdeh tərəfin proseslərdə iştirak etməməsindən istifadə edərək sonda 13.02.2017-ci il tarixli ədalətsiz qətnamə qəbul edilmişdir. Məhkəmə ədalətli qətnamə qəbul etsəydi, tələb olunan pulun əvəzinə 2015-ci ildən üzürlü səbəblərə görə fəaliyyəti dayandırılmış İB-yin balansında olan əmlakın dəyərini, bank hesabında olan vəsaitlərə yönəltməklə və reallıqda görülən işlərlə təqdim edilmiş şişirtmə rəqəmlər arasında olan fərqi hesablamaqla real nəticəyə gələ bilərdi. Yəni, ən azı məhkəmə ekspertiza təyin etsəydi aydın olardı ki, reallıqda görülən işlə, tələb olunan pul arasında ən azı 10 dəfə fərq ortalığa çıxa bilərdi. İddiaçı tərəf cavabdeh tərəfin düşdüyü əlverişsiz şəraitdən istifadə etməklə əsassız varlanmaq istəmişdir. Və hələlik bu məqsədinə qismən nail olmuşdur.

Podratçı “Akkord” ASC-ti faktiki olaraq gördüyü real işdən ən azı 8-9 dəfə artıq pul tələb etməklə qanunazidd əməllərə yol vermişdir. Ən təəssüfləndirici hal bundan ibarətdir ki, Heydər Əliyev Mərkəzinin tikintisi ulu öndərin xatirəsinin əbədiləşdirilməsi məqsədini daşısa da bundan süi-istifadə edən “Akkord” ASC-ti gördüyü keyfiyyətsiz işin müqabilində yalnız külli-miqdarda pul qazanmaq məqsədi güdmüşdür. Artıq 3 ilə yaxındır ki, inşası yarımçıq qalmış H.Əliyev Mərkəzi qarın-yağışın altında erroziyaya uğrayıb keyfiyyətini itirməkdədir.

Doğrudur, 15 mart 2016-cı ildə Milli Məclisdə millət vəkili Yaqub Mahmudov Şəkidə tikintisi yarımçıq qalmış H.Əliyev Mərkəzinin taleyi barədə məsələ qaldırsa da nəticəsi olmamışdır. Və bu gün də ulu öndərin adını əbədiləşdirən kompleks baxımsızlıq ucbatından yararsız vəziyyətə düşməkdədir. Faktiki olaraq “Akkord” ASC-ti heç olmasa aldığı pulun yarısı qədər iş icra etsəydi Mərkəz 2015-ci ildə tam inşa edilib təhvil verilə bilərdi.

Möhtərəm cənab Prezident Sizdən xahiş edirik ki, ulu öndərin xatirəsinin əbədiləşdirilməsi, dahi rəhbərin irsinin öyrənilməsinə xidmət edəcək və inşaası yarımçıq qalmış Mərkəzin tikintisi zamanı“Akkord Sənaye Tikinti İnvestisiya Korporasiyası” ASC-ti tərəfindən açıq-aşkar yol verilmiş maxenasiya hallarının yerində yoxlanılaraq hüquqi qiymətin verilməsi üçün xüsusi komissiya yaradılmasına göstəriş verəsiniz. Əvvəlcədən minnətdarlığımızı bildiririk.

Qoşmalar: 11 fotoşəkil, 13.02.2017-ci il tarixli məhkəmə qətnaməsi, Pretenziya məktubu, etibarnamə, Baş Gömrük İdarəsinin 17.05.2017-ci il tarixli məktubu.

Hörmətlə, cavabdehin etibarnamə üzrə nümayəndəsi:
 M.Ə.Həmidov 
 (070-7111289,050-3598632)


-

P.S. "Akkord"un iddiasını təmin edən birinci instansiya məhkəməsinin qərarından apelyasiya şikayətinə 7 sentyabr tarixdə baxılmış və rədd edilmişdir. 
Şəki Tikinti Kombinatı iddiasını təmin edən birinci instansiya məhkəməsinin qərarından apelyasiya şikayətinə isə 9 oktyabr tarixdə baxılacaqdır.

15 прикрепленных файлов
 
 

Yuxarılara gedən şikayətlərdə nədən və kimdən narazılıq edilir?

26 Ağu 2017 06:40 tarihinde Aydin Salis tarafından yayınlandı   [ 27 Ara 2017 08:33 güncellendi ]



Azərbaycan Respublikasının Birinci Vitse-Prezidenti Mehriban xanım Əliyevaya


Heydər Əliyev Fondunun Vitse Prezidenti Leyla xanım Əliyevaya

 

       Şəki şəhəri, Sabir  küç., ev. 3/6 ünvanında yaşayan

       Sultanova Aynur Ziyad qızı və Sultanov Rövşən  Vüqar oğlu   tərəfindən

 

                                                     Ə  R  İ  Z  Ə

 

 

  Möhtərəm Prezident İlham Əliyev Cənabları!


Hörmətli Birinci Vitse Prezident Mehriban Xanım Əliyeva!


  Hörmətli Vitse Prezident Leyla Xanım Əliyeva!

             


Biz ana-oğul hər ikimiz Azərsu ASC-nin Şəki Sukanal TSC-də uyğun olaraq 01.06.2010-cu və 08.02.2016-cı il tarixdən kadrlar üzrə mütəxəssis və sutəmizləyici sahədə qəza-bərpa işləri üzrə çilingər işləmişik. Biz uyğun olaraq ikinci və üçüncü qrup əlil olmasına baxmayaraq işimizin öhdəsindən həmişə gəlmişik.


2017-ci ilin mart ayının birindən etibarən idarənin rəisi Bayram Məmmədovun,baş mühəndis Nüsrət İsrafilov, baş mühasib Şəfi Məmmədli, və həmkarlar ittifaqının sabiq sədri Məzahir Lətifovun bizə qarşı münasibəti kəskin dəyişdi. Buna səbəb onların Azərsu ASC-nin Şəki Sukanal TSC-baş verən özbaşınalıq, dələduzluq və s. neqativ hallar olmuşdur.


Belə ki, rəis B.Məmmədovun yaxın qohumları Şəki Məhkəmə Kompleksində, baş mühəndis N.İsrafilovun qardaşı oğlu Coşqun İsrafilov DİN-nin Şəki ŞRPŞ-də, Güloğlan Məcidovun Acınohur Qış Otlaqlarının Suvarma Sistemlərinin İstismarı idarəsində baş mühasib işləməklə bərabər onların adlarının Şəki Sukanal TSC-də də yüksək maaşlı işə rəsmiləşdirilməsi məsələsi məni narahat etdiyindən onlara öz iradımı bildirməyim olmuşdur. Ümumiyyətlə onlar mənə 30-35 adamın qanunsuz olaraq bəzilərinin həm ikinci iş yeri kimi, ümumilikdə isə heç birinin işə gəlməməsi şərtilə işə götürülməyini tələb edirdilər və mənim etirazım olmasına baxmayaraq onlar məni heç saymadan N.İsrafilov, Ş.Məmmədli və G.Məcidovun tərtibatı ilə onların adlarını rəsmiləşdirmiş, maaş kartlarını isə bölüşmüşlər.             


Bütün bunlara bizim maneçilik göstərməyimizdən narahat olaraq 06.03.2017-ci il tarixdə oğlum R.V.Sultanovu hədə-qorxu gələrək ərizə yazıb işdən çıxmağa məcbur etdilər. Elə həmin vaxtdan da məni tam izolyasiya edərək işçiləri mənimlə münasibətdən yayınmağa vadar etdilər ki, bununla da faktiki olaraq məni 01.05.2017-ci il tarixdə ərizə yazıb işdən çıxmağa məcbur etdilər.


Bu gün Azərsu ASC-nin Şəki Sukanal TSC-də rəis B.Məmmədovun, baş mühasib Şəfi Məmmədlinin, tam əminliklə demək olar idarənin “ölü can”lar komandasına rəhbərlik edən, idarənin təchizat üzrə mühəndisi G.Məcidovun birlikdə Dövlətə məxsus idarədə təşkil etdikləri mütəşəkkil dəstənin vəzifəsi “ölü can”ların adına əməkhaqqı yazmaqla külli miqdarda pulu mənimsəmək, qanunsuz olaraq Şəki Məhkəmə Kompleksində, DİN-nin Şəki ŞRPŞ-də, Acınohur QOSTSİİ-də işləyən qohumları və tanışlarının adlarını Şəki Sukanal TSC-də yüksək maaşlı vəzifələrə rəsmiləşdirərək onların adına hesablanmış külli miqdardapulu mənimsəməkdir.


Elə bu səbəbdən də mən onların cinayət əməllərinə etiraz etdiyimə görə oğlumla birlikdə bizi hədə-qorxu gəlməklə işdən cıxma ərizəsi yazmağa məcbur etmişlər. Onlar Dövlət idarəsini, onun pul vəsaitlərini və digər qazanc mənbələrini mənimsəmək xatirinə belə bir vəziyyətdə oğlumla tək yaşamağıma və xəstəliyə görə əlil olmağımıza baxmayaraq bizi işdən çıxma ərizəsi yazmağa məcbur etmişlər. Əgər belə deyilsə biz niyə öz işimizdən çıxaraq aylıq əməkhaqqımızdan imtina edirdik?


Deməli başqa bir Dövlətə məxsus idarədə yüksək vəzifə tutan G.Məcidov həm də Şəki Sukanal TSC-də yüksək vəzifə tutsun, hər ay külli miqdarda haqq etmədiyi əməkhaqqı alsın, eynilə də baş mühəndis N.İsrafilovun qardaşı oğlu DİN-nin Şəki ŞRPŞ-də vəzifə tutsun, yüksək miqdarda maaş alsın, bununla bərabər Şəki Sukanal TSC-də də vəzifə tutaraq kifayət qədər haqq etmədiyi əməkhaqqı alsın, rəis B.Məmmədovun bacısı oğlu Səməd Mustafayev Şəki Məhkəmə Kompleksində komendat işləyib kifayət qədər maaş almasına baxmayaraq guya rəis B.Məmmədovun sürücüsü kimi rəsmiləşdirilərək hətta 650 AZN (Şəki ŞİHB-nın sürücüsü deyilənlərə görə 200AZN maaş alır) haqq etmədiyi əməkhaqqı alsın, yenə də rəis B.Məmmədovun bacısı nəvəsi Sərxan Rəsulov Şəki Məhkəmə Kompleksində başban işləməklə kifayət qədər maaş almaqla bərabər Şəki Sukanal TSC-də kompressor ustası kimi adı rəsmiləşdirilərək kifayət qədər haqq etmədiyi əməkhaqqı alsın, Biz tək yaşayan, xəstəliyə görə əlil olan ana və oğul onların cinayət əməllərinə qoşulmadığımıza görə işdən atılaq. Sizcə bu nə dərəcədə ədalətlidir?


Ərizəmdə göstərdiklərimi nəzərə alaraq Azərsu ASC-nin Şəki Sukanal TSC-nin, onun rəisi B.Məmmədov, baş mühəndis N.İsrafilov, baş mühasib Ş.Məmmədli, guya təchizat üzrə mühəndis G.Məcidovun təşkil etdikləri və ətraflarında öz qohum-tanışlarını topladıqları mütəşəkkil dəstənin fəaliyyətinin ciddi araşdırılaraq elə ciddi də tədbirlər görülməsini, mənə hədə-qorxu gəlməkə işdən çıxarılmağımı nəzərə alaraq mənim və oğlumun işlə təmin olunmasına köməklik göstərməyinizi Sizdən xahiş edirik.

 

         Hörmətlə:                  Sultanova Aynur Ziyad qızı

 

                                           Sultanov Rövşən Vüqar oğlu.


 




Azərbaycan Respublikasının Səhiyyə Naziri cənab Oqtay Şirəliyevə

Şəki, M.F.Axundov pr. 3B ünvanda yaşayan Hüseynbəyli Nəbi Məmməd oğlu tərəfindən

 

 

                                             Ə  R  İ  Z  Ə

 

 

           Hörmətli cənab Oqtay Şirəliyev!

          Mən Sizə və nazirliyin Apellyasiya Şurasına dəfələrlə şikayət ərizəsi ünvanlayaraq rəhbərlik etdiyiniz nazirliyin Tibbi-Sosial Ekspert Komissiyasının qərarından şikayət etmişdim. Belə ki, hər dəfə komissiya “əlavə müalicə” adı altında süründürməçiliyə yol verir, konkret olmayan tələblər irəli sürür. Yəni əlavə müayinə, müalicəyə ehtiyac olduğunu bildirsə də bu əlavə müayinə və müalicənin onları qane edəcək hansı səhiyyə müaəssisəsində aparılması barədə konkret bir təklif vermir. Şəki MRX-nın müayinə və müalicəsi, onun nəticələri isə T-SEK-nı qane etmir.

          Hamı kimi mənə də məlumdur ki, Dövlətə məxsus olub pulsuz xidmət göstərən səhiyyə müəssisəsi mən tanımıram, artıq növbəti dəfə mənim əlavə müalicə və müayinəyə maddi imkanım yoxdur. Əgər Siz pulsuz müayinə və müalicə barədə qərəzsiz bir müəssisə bilirsinizsə, onda rəsmi göstəriş və göndəriş verin mən əlavə müayinə və müalicə olunum ki, bu dəfə Sizin komissiyanı qane etsin.

          Mən onlayn müraciət vasitəsi ilə bir-neçə dəfə Sizin Oğuz rayonunda vətəndaşları qəbul edərkən məni də qəbul etməyinizi, qəbulun vaxtı və yeri barədə mənə əlavə məlumat verilməsini xahiş etmişdim. Lakin mənim müraciətimə heç bir münasibət bildirilməmişdir.

          Nazirliyin ümumi şöbəsinin müdiri cənab L.Əlizadə isə ərizəmin araşdırılmasını  Şəki MRX-nın baş həkiminə tapşırır. Sizcə nazirliyin T-SEK-nın qərarını Şəki MRX-nın baş həkimi ləğv edəcək? Buna nə ad vermək olar? Bu vətəndaşı, xəstəni ələ salmaqdan başqa bir şey deyildir. Düzdür əvvəllər Şəki MRX-nın Həkim Məsləhət Komissiyası sənədləşmə işlərində səhlənkarlıq etsə də artıq ikinci dəfə bütün araşdırmalar mənim iştirakımla aparılmış və obyektiv nəticələr Bakıya T-SEK-na göndərilmişdir. Lakin bu dəfə bu komissiya heç nəticələri araşdırmadan eyni cavabı vermişdir. Ona görə də mən T-SEK-nın qərarından şikayət etmişdim.

           Təəssüflər olsun ki, səhiyyə nazirliyinin Apellyasiya Şurası şikayətçimi heç saymır və dəfələrlə müraciət etməyimə baxmayaraq heç bir cavab vermək istəmirlər. Sözsüz ki, onların bu hərəkətini mən Dövlətimizin Qanunlarına, onun Başçısının iradəsinə qarşı gəlməsi, onlara qarşı itaətsizlik göstərmək kimi qiymətləndirirəm. Çünki Apellyasiya Şurası üzərinə düşən vəzifələri yerinə yetirməkdən faktiki imtina edir. Mən bu barədə məlumat vermişəm və Birinci Vitse-Prezident Hörmətli Mehriban Xanım Əliyevadan məni qəbul etməsini xahiş etmişəm.

        Artıq nazirliyin ümumi şöbəsinin müdiri L.Əlizadənin məsuliyyətsizlik göstərərək belə məzmunlu cavabları ilə məni ələ salması onun tək Dövlətə, Dövlətin vətəndaşına hörmətsizlik etməsi yox, eyni zamanda Dövlətin başçısına hörmətsizlik etməsidir. Çünki vətəndaşların hüquqlarının, sağlamlığının birbaşa qarantı Dövlətimizin Başçısıdır. belə məsuliyyətsiz hərəkətləri ilə L.Əlizadə kimə meydan oxuyur?

         Belə çıxır ki, L.Əlizadə heç kimdən çəkinmədən vətəndaşı ələ sala, onu təhqir edə bilər? 

         Belə çıxır ki, L.Əlizadə Sizdən xəbərsiz Şəki MRX-nın baş həkiminə nazirliyin komissiyasının qərarını ləğv etmək səlahiyyəti vermişdir? 

         Ərizədə yazdıqlarımın ətraflı cavablandırılması, bir Dövlət qurumu kimi orada göstərilənlərin araşdırılması Sizin səlahiyyətinizə aid deyilmi? (məsələn: əgər komissiya məsləhət görür ki, əlavə müalicə olunarsa sağalaram və bunu da əsas gətirərək  yazıram ki, hər-hansı Dövlətə məxsus xəstəxanaya göstəriş verin ki, məni pulsuz olaraq müayinə və müalicə etsinlər və mən də sağalaramsa, əlbəttə bu daha yaxşıdır, sizin buna cürətiniz çatmır? Hərçəndi, mənim bu xəstəxanalara bir o qədər də etibarım yoxdur). Əgər aiddirsə onda niyə ətraflı araşdırılmaq əvəzinə dəfələrlə təkrar olunan şikayətlər bir cümlə ilə cavablandırılır: "Şəki MRX-na göndərilmişdir".

          

           Sizcə bu vətəndaşın şikayət ərizəsinə cavab vermək, onun müraciətinə baxıb tədbir görməkdir? 

      Dəfələrlə belə məzmunlu ərizəmlə sizə müraciət etdiyimi yuxarıda göstərdiklərimi nəzərə alaraq və Tibbi-Sosial Ekspert Komissiyasının özbaşınalıqlarına göz yummağı bir kənara qoyub, heç olmazsa çoxsayı ərizələrimin qısa da olsa məzmunu ilə heç olmasa bir dəfə maraqlanıb mənim şikayətimi mahiyyəti üzrə, yəni T-SEK-nın qərarının ləğv olunmasını və mənim qanuni əlillik dərəcəmin onlar tərəfindən təyin olunmasına köməklik göstərməyinizi bir daha Sizdən xahiş edirəm.

 

 

           İmza:                       N.M.Hüseynbəyli.

 

                                                    17.08.2017.





Ombudsman Elmira Xanım Süleymanovaya

 

   Hörmətli Elmira xanım Süleymanova!

   Sizə təkrarən müraciət etməyimin birinci səbəbi odur ki, mənim ünvanladığım şikayət ərisəmi diqqətlə oxuyub Sizə dəqiq məlumat versinlər.

    İkincisi də Sizin Aparat Rəhbəri cənab Aydın Səfixanlı mənə məhkəməyə müraciət etməyi məsləhət görür. Sizə də çox gözəl məlumdur ki, məhkəmələrin bugünkü çox uzun proseslər fonunda (hətta kiçik bir mübahisə haradasa bir ilə yaxın sürür) xəstə bir adamın məhkəmələrdə sürünməyi asandırmı?

    Üçüncüsü də odur ki, əgər hər işdən ötrü aylarla məhkəmələrdə əsəblərimiz korlanırsa, onda digər Dövlət orqanları nəyə gərəkdir?

    Dördüncüsü də odur ki, mən  Səhiyyə nazirliyinin qərarından yox, onların məsuliyyətsizliyindən şikayət edirəm. Cənab Aydın Səfixanlının da etiraf etdiyi kimi, mənim müalicəmin davam etdirilməsinə qərar verilmişdir. Aylar keçməsinə, bu günə qədər mənim Səhiyyə naziri cənab Oqtay Şirəliyevə dəfələrlə müraciət etməyimə baxmayaraq nə Səhiyyə nazirliyinin Apellyasiya Şurasında mənim iştirakımla bu qərarın obyektivliyi araşdırılır, nə də qərar icra olunur, yəni bu qərarda konkret deyilmir ki, müalicə kimə tapşırılıb, kim bununla məşğul olacaq və Səhiyyə nazirliyinə nəticəsi barədə kim tərəfindən məlumat veriləcək.

    Belə olan halda mən Sizin köməkliyinizlə Səhiyyə nazirliyindən bu sualıma cavab verilməsini Sizdən xahiş etmişəm.

    Dövlətə məxsus səhiyyə müəssisələrindəki hərc-mərclik, özbaşınalıq, rüşvətxorluğun baş alıb getməsi hamıya məlumdur. Bunlar danılmaz faktdır. Lakin bir dəfə də insanlıq göstərib öz ciblərini güdmək əvəzinə heç olmasa öz yazdıqları qərarın icrasını kiməsə tapşırsınlar.

    Məncə Sizin Aparatda da bunu çox gözəl bilirlər. Ola bilər ki, Sizin Aparatda da Səhiyyə nazirliyindəkilərin xətrinə dəymək istəməyənlər var. Ancaq mən nə çağırışçıyam, nə də harınlamış məmur evladıyam, nə də əsgərlikdən yayınmaq üçün əlillik almaq istəyirəm. Mənim 60 yaşım var, onsuz da bir-neçə ildən pensiyaya çıxacağam. Amma faktiki xəstəyəm və ona görə də heç olmasa dava-dərman xərclərimin bir hissəsinin ödənməsi üçün əlillik müavinəti mənə kömək ola bilər.

    Bir fakt da Sizin üçün də maraqlı ola bilər ki, mən dəfələrlə cənab Oqtay Şirəliyevdən xahiş etmişəm ki, mənim sənədlərimi mənim iştirakımla araşdırsınlar. Əgər onlar düzgün adamlardırsa niyə bunu etməkdən qorxurlar? Bəlkə bu göstərişi verməyə O.Şirəliyev kimdənsə çəkinir?

    Yuxarıda göstərdiklərimi və dəfələrlə mənim Səhiyyə nazirliyinə, onun Apellyasiya Şurasına yazdığım şikayətlərin cavabsız qaldığını nəzərə alaraq onların qəbul etdiyi qərarın ya Apellyasiya Şurasında mənim iştirakımla baxılmasına, ya da qərarın icra olunmasına dair mənim şikayətimə konkret və mahiyyəti üzrə Shiyyə nazirliyindən cavab verilməsinə köməklik göstərməyinizi Sizdən bir daha xahiş edirəm. 

 

   İmza:                                     N.M.Hüseynbəyli.

                                                                                    19.08.2017.

1-10 of 174